قصّہاں نوکیں نوبتانی بِلّ

قصّہاں نوکیں نوبتانی بِلّ

شیر کنیں قولاں دُرج دپانی بِلّ

ماں دل ءَ دَرد اِت پیچ وَر اَنت ماری

تاب ءُ ریس ءَ، آ ماپَرانی بِلّ

باید اِنت گوں وتا، کپ ءُ پادا

پاشک مکن شِرّ ءَ عاشقانی بِلّ

تَلوس ئے تاھیر ءَ دَمانے ءِ

زیادھیں نیاد ءَ دَرمگُورانی بِلّ

چو کَھِیرانی اِشکر ءَ روک اَنت

تُرندی ءُ برانز ءَ تو غمانی بِلّ

چہ کجا حالان اِش کناں بنگیج

سَر گذشت ءَ اِے بے متانی بِلّ

سُتک ءُ برتکاں چوں واھگ ءِ آس ءَ

گوستگیں گپّاں گُل دُنانی بِلّ

شپ بَیَنت روچ، روچ پدا شپ بَنت

چوں گوزیت زِند بے وَسانی بِلّ

چوش مکپ پاداں میر ءُ سردار ءِ

سجدہ ءَ نیں تو اِے بُتانی بِلّ

نے گنوک اَنت ءُ نے کہ پہ ھوش اَنت

حال ءَ مرچیگیں رَھبرانی بِلّ

مَرکب ءَ پیری ءِ بہ ژپ واگاں

گردَگ ءَ ساحرؔ نیں شپانی بِلّ