رُو مُلور ءُ دل غمیگ انت انگتہ
شپ ودارءِ مَاہ پدیگ انت انگتہ
پیسری گپاں شموش ورنائیءِ
دل منی دلبر تئیگ انت انگتہ
چمّءِ سلطانیں حیالءَ در بہ بر
مَاہکان رژنءِ سریگ انت انگتہ
قول ءُ سوگنداں دلوں دلجم نہ بیت
وعدہانی کد کدیگ انت انگتہ
گوں غمءِ مروارداں گوازی کنیں
چے تئیگ ءُ چے منیگ انت انگتہ
مئے دلءِ موسم بدل بنت دیدگاں
شپ شگوستگ شم دریگ انت انگتہ
کیگدءِ پیشانیءَ سنجے بجیت
عیدؔ وتی حالءَ سہیگ انت انگتہ