سرگواثاں ساڑتیناں
بو ملپذی گوناں
بستغیں جڑ و نوذاں
دادنے ہمے داثہ
باغ بر و بیواناں
زندگی رواں بیثہ
بڑز کہسرانی ءَ
بستغیں درینے ءَ
نشک ہرگرے مہر ءِ
کل جهان ءَ شوں داثہ
ما ہمے خیالاں گوں
جند ءِ یاراں گیراروں
آں کہ جِند ءِ ڈیہا انت
یا گشے وطن ءَ را
اِشتغو شثو گار انت
داں کہ زندگانی ایں
یاد سینغاں مئے باں
مئے پذا که دؤرے کئیث
نوخیں کسواں داریث
نوخیں نوبتاں کاریث
مئے نغاہاں پولانا
شانتلے پذا دیثہ
نالغ اث آں یکی ءَ
مئے دلا ہمے گشتہ
دائما ہمے گیذی
رائی با روانا با
کئیزاں اے جہانی ءَ
کس مہ تری یکی ءَ
یکی تہ شزائے ایں
کسّ ئی نہ نصیوا با