ہمودا شنگ شار بیت
ہمودا روچ گار بیت
ہمودا مہرءِ میڑہ اِنت
ہمودا جنگ ءُ جیڑہ اِنت
ہمودا تئی ودار بیت
ہمودا روچ گار بیت
ہمودا لُنٹ ءِ پن ترْپ اَنت
ہمودا آسمی سرْپ اَنت
ہمودا شپ بہار بیت
ہمودا روچ گار بیت
ہمودا رُو دیوک ہست
ہمودا دل بروک ہست
ہمودا دل شکار بیت
ہمودا روچ گار بیت
ہمودا شہم شروک بنت
ہمودا دل گنوک بنت
ہمودا ہوش ءُ سار بیت
ہمودا روچ گار بیت
ہمودا عیدؔ ، عیدؔ بنت
ہمودا شے مُرید بنت
ہمودا آہ ءُ زار بیت
ہمودا روچ گار بیت