شپءِ چنکان اِنت مَاہءِ شار اوشتاتگ
ہمے راہ اِنت کہ تئی دزگہار اوشتاتگ
کنئے وعدہ نیائے بے وفائے تو
دپی وش اتک یے ءَ بازار اوشتاتگ
وتی دیمءَ تو چست کن مسکیں ملگوراں
منی امروزءِ کاروبار اوشتاتگ
برو دُنیا نہ بیت گوں تو سرءِ سودا
منی واستہ منی دلدار اوشتاتگ
زمانگ موجریں چمءِ زدءَ نئیت اِنت
نہ چاریت ساہگاں بے سار اوشتاتگ
کجام راہ ءَ گوزئے چمّے بچار دمکاں
تئی مہرءِ گنوک دو چار اوشتاتگ
تو گٹّ ئے زندگی وابانی کوڑیاں
منی لوگءِ دپءَ وامَدار اوشتاتگ
منی راج دپترءِ کسّہ جساں کپتگ
کجا رند ءُ کجا لاشار کپتگ
عیدؔ اے زندگی اوستءِ مراگاہ یے
منی آستونکءِ توکءَ مَار اوشتاتگ