شنگ بیت تئی ترٛانگ ءِ وہد یکہ ماہ ءِ ماہکان
زرد ءِ کوراس ءَ بلیت نٛیاد ءِ تماہ ءِ ماہکان
تو منارا واہگانی دوزہ ءِ آس ءَ برئے
جی ترا باتیں منی شہدیں گُناہ ءِ ماہکان
دل وتارا تئی حیال ءِ سا ہگ ءَ گستا نہ کنت
تانکہ مانیت ماں جہان ءَ تئی لقاہ ءِ ماہکان
ماں پوشیت آزمان ءَ کہ جنوزامی گُشان
تو منارا بے کساس ءَ یات کائے ماہکان
بیا پہ تو دیر اِنت زہیر نالیں شپانی دل زَریت
تو شپانی سینگ ءِ درد ءِ دوائے ماہکان