سہیل دروشم ءِ بالاد ءِ ترانگ ءَ کپتاں
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
سہیل دروشم ءِ بالاد ءِ ترانگ ءَ کپتاں
شُتاں چہ عقل ءُ رج ءَ زانت ءُ زانگ ءَ کپتاں
حیال ءِ مُرگ منا انگت ءَ میاری کنت
زبہریں تیرے اِتاں چہ نشانگ ءَ کپتاں
تئی غم اِنت داں قیامت ماں پلو ء بستگ
ترا کہ یات کتگ جند ءِ وانگ ءَ کپتاں
داں محشر ءَ منی اوستانی پادتچک نہ بنت
شپے کہ من چہ مراد ءِ بشانگ ءَ کپتاں
نزانت قاضی رمگ باریں سر جنان اِنت کجا
منا بچار کہ گوں بے راہیں شوانگ ءَ کپتاں