تئی دیدگانی زبان ءِ شرپ ہمودا اِنت

تئی دیدگانی زبان ءِ شرپ ہمودا اِنت

ہمودا گپّ کہ دو مانا دنت گپّ ہمودا اِنت

کجا شوہاز کنئے بُندر ءَ تہارى ءِ

دمانے روچ کہ مہتل بیت شپ ہمودا اِنت

چے پیمیں مالُمے ئے مُزرو ءَ نزانئے تو

بجزم آپ جلشکیت، سدّپ ہمودا اِنت

ہما ڈگار ءِ سرا تو کہ پاد ایر کت اَنت

دل ءِ دو بہر منی ساہ ءِ کپ ہمودا اِنت

ہمودا قاضی دل ءِ بُرج، بُرز ءُ جہل کپنت

ہمودا راست ءِ کُشار جاہ اِنت چپ ہمودا اِنت