تئی بدن روکی ءَ شپ زمستان بیت
آگہ انت پل غم ءِ زہیر ءِ الحان بیت
روچ کپیت سجدہ ءَ ماہ در کئیت شپ ءَ
کافری واہگ ءَ دل مسلمان بیت
زندانت آدینک ءِ رنگ چمے چارئے بیا
روک شراب قدح ءَ عکس حیران بیت
مہر ءِ وشبواں تئی جان رکشیت جہان
اُف پہ شپ چاردہ ءَ ماہ کہ مہکان بیت
زلف ءِ زر نودبجنت تئی غم ءِ بیگہاں
جان کشیت گمان سہب ساچان بیت
زندگی نیکی کنت نام ءِ باپُشت ءَ تئی
پہ چنیں لزتے ناز ءِ ہرجان بیت
پلیں بچکندے ءَ عیؔد مریت شاعرے
مانزانت عاشقی انچو ارزان بیت