تاں نہ شنزیت تئی لقاہ ءِ چم ءِ اَرس
ہو نہ بیت اِمروز ءَ برٛاہ ءِ چم ءِ اَرس
توکلی ءَ پہ شلیت باریں کدی
سُمّل ءِ مِہر ءُ وفا ءِ چم ءِ اَرس
شنگ بیت اِحوال تئی بے مہری ءِ
سر رِچنت واجہ حُدا ءِ چم ءِ اَرس
چوں نہ رنجیت زند بے تو، کہ توئے
دوستی ءِ اِستال ءُ ماہ ءِ چم ءِ اَرس
سرپداں کئے شلینت بے بزّگی
مئے دِلانی ہر تماہ ءِ چم ءِ اَرس
بیا سمین تئی دُوری ءِ گنجیں غماں
رِتلگ اَنت ہر پُل ءُ شاہ ءِ چم ءِ اَرس