تئی زانگ ءُ مارشت کساسءَ چہ جتایاں
دید بامیں برمش، تاک 22، بلوچستان اکیڈمی کیچ
شِنگ کن:
تئی زانگ ءُ مارشت کساسءَ چہ جتایاں
من نیکیءِ پدگوانک ہما تِپلیں ہُدایاں
چو روچ وڑا پدّر ءُ تالان نہ باں کہ
من زند تہارماہیں شپءِ شَہمیں لکایاں
زانت چہ منا درکیت، مناں زانگءِ چمگ
بے زانگ ءُ پہوالے آں بے پہم ءُ نوایاں
من پُلے آں کہ ہر گورا تالان منی بو
مانشانتہ اے اِمروز کہ اندیماں دَرایاں
ہر رنگ چکّرینت منا جنتریں وہدءَ
انگت من ہمایاں، من ہمایاں، من ہمایاں!
اُمّیت مہ دار بزگیں بسمل منی نامءَ
تئی دژمن ءُ بدوایاں تئی دیدگ ءُ سایاں