تو کشّئے شیشہ ءُ ھیروِن

تو کشّئے شیشہ ءُ ھیروِن

کرستال ءَ نہ دارئے دپ

تو واھُندے ھزارانی

چیا پُشت ءَ نہ چارئے تو

روئے روچ ءِ تو بزگ بئے

تو کشّئے شیشہ ءُ ھیروِن

کنئے بزگ وتی مات ءَ

پتے ھال ءَ نئے سرپد

سرا چست کن گہُاراں چار

کن انت پہ تو وت ءَ کُربان

دینت مُزّءَ تئی دست ءَ

تو کشّئے شیشہ ءُ ھیروِن

نہ زانئے پت چئے پیم ءَ انت

پہ چُنڈے نان ءَ درمُلک ایں

چے پیم روچاں وتی شپ کنت

تو ھال ءَ سھی نھئے ھچ وڑ

تو کشّئے شیشہ ءُ ھیروِن

تو واھُندئے ھزارانی

یلہ دئے سلگتیں کاراں

دگہ زھمئے اگاں نہ جنئے

برو ھمراہ بی بْراتانی

گڑا دُنیا ترا زانت ایں

بھادْریں بلوچئے

اگاں ھمراہ بئے بْراتانی

ترا شیر ءَ پھل کنت مات

گل ءَ چہ پیم نہ بیت ایں مات

گُھارانی دُوا نیک ایں

پہ ھکّ ءَ چک مہ جن پُشت ءَ

شھید بئے تو نمیران بئے

تو گپار دیم ءَ جنزان کن

داں کد وت کوم ءَ سرپد کن

کما لبزاں پہ وش گُپتار

مرئے پہ نام ءَ شھیدی ءِ

گُڑا وش نام بیت پدریچ