توئے پہ شررنگیءَ وتی
جہان تئی انت نہ انت منی
منءَ پہ ڈکالیں اے نصیب
کجا بشوہازاں ساہگے
تئی پہ دیدارءَ باز باں
تماء فقیریں دلءِ منی
تئی زہیرانی دامنءَ
امُلّ کہ جاگہ اشاں نہ بیت
کجا بشوہازاں ساہگے
نہ عشق ودیت گوں واہگاں
نہ درد جلیت پہ بے وسی
منءَ پہ ڈکالیں اے نصیب
تو حانلءِ چاکر انت گنوک
ءُ نامءِ باز انت تئی مروک
مناں مریدءَ چو در پہ در
تئی یکّیں عاشق تئی حاک پہ سر
کجا بشوہازاں ساہگے
زمین زوریت نہ آسمان
من بحت رچوکیں غبارءِ ریک
منءَ گوں ڈکالیں اے نصیب
چو بالو بال انت دلءِ میان
پہ زر گپءَ انت ہر زبان
بہا نہ زرتگ تئی گشان
سماہءِ گواہے چو مَاہکان
کجا بشوہازاں ساہگے
نگاہ بند انت دل آگہ انت
اے عشق ءُ گندیمءِ جیڑہ انت
منءَ پہ ڈکالیں اے نصیب