وفا ءُ عشقءِ بندگانی بندگی ابیتک بیت
فقیریں دردواریءِ کہ زندگی ابیتک بیت
تب اِنت زمانگءِ ازل لئیب کنت گوں مہرگاں
مئے ارس حاکاں ہور بنت مئے شاعری ابیتک بیت
اے عقل منءَ را بار دنت مَاں کندیءِ نوانیءَ
غمے چو شادہءَ بہ بیت تہ بے وسی ابیتک بیت
گشنت کاڈیءَ ثواب مَاں شارءِ لمبءَ بستگ انت
گناہءِ چورہیں دلءِ مئے محرمی ابیتک بیت
شپے شپے گوں واہگانی مولماں دچار باں
چلکیت ماہءِ قدحءَ اے آگہی ابیتک بیت
غبارءَ ایر بنت دشتءِ حاک سری گوں قصہاں
کسے پہ بے وتی مریت ءُ عاشقی ابیتک بیت
عیدؔ مَاں عمرءِ شیشگانی ساہگءَ درآمدے
چراغاں واہگءِ کشیت ءُ انشپی ابیتک بیت