واہگءِ دمکءُ دراں
بیا پہ دمانے سر بکش
نشتگاںدردانی بئیپارءَ وتی
من گوں غماں
یک نگاہے
بیا اے بازارءَ بچار
مہلبءُ مسکاں زہیرانی پہ لیلامءَ دیاں
ساہتے ہمنیاد بہ بی
ترانے بکن
پل وفاءِ کندگاں تئی ندر باں
زیر ،برودرد ءُ غمءِ وشیں دُناں
نیادءِ کیفءَ پہ تئی
ارزاں بکشاں امبراں
ترا ترانگءِ
موسماں مہلائیں عمرءِ چہ منی
چے ترا باریں پکار انت تو بگش
گرمی ءَ حونءِ گشئے ورنائی انت
تو دلءِ شہرءِ سپاء
من سرءُ ساہءَ نہ پہریزاں وتی
ہر وڑیں چکاس بئیت مہرءِ پڑءَ
واہگءِ دمکءُ دراں
دیر داراں امروزءِ ہر آسءُ جلءَ
چہ اے دلءَ
زندگی مَا کہ تئی
گدگیں بتءِ نامءَ کتگ