وہدے ماہیں مہکجانی مہر وکشیت دیدگاں
زندءِ زیبءِ واہگانی براہ درْپشیت دیدگاں
اتکگءُ من حیر کشّاں چو مُرید دیوانگءَ
بلکیں حانُل کئیت پمّن داد بکشیت دیدگاں
مروچی جزماں واہگانی کُلّ ءَ کنت مئے روشنا
مہر ہواریں سُرمگاں آ ، مان کشّیت دیدگاں
تاں کدی چو زنزراں من تلوس ئے تو بےوسی
مہرءِ گٹگیریں تئی واہگ کیت ءُ تکشّیت دیدگاں
موجیں یاتانی دیار ءَ واہگ ءُ مہرئے اُملّ
دردءِ تیابءَ نشتگ ءُ گوں نقش کشّیت دیدگاں
کے بہ جنت زندءِ شپءِ عیؔد زنگءَ نوں تاموریءِ
کہ نُور شنزیت دیم گلءِ ءُ ماہ رُکشیت دیدگاں