وختے دُہل دھمالے کئیث
کہنیں وھاو خیالے کئیث
مِہر کشارے کِشتہ ما
ھِچّی نہ ڈُکّالے کئیث
مئے بیرک چے رنگ ءِ بی؟
چَمّاں سُہریں شالے کئیث
دَف چو شہد ءُ شیراں بی
لوز بلوچی گالے کئیث
دُرّک بَگّ ءِ وارث ما
بہر ءَ بازیں مالے کئیث
بالاچے بی میدان ءَ
لازم نوخیں حالے کئیث
حمّل شاغ سوادا ایں
زِر چولاں جنجالے کئیث
کوانے تئی نرمیں دستاں
گِیر مناں یہ زالے* کئیث
گُرکانی گُڈّی روشاں
جیذاں نی پہلوالے کئیث
گوانک ملوکیں شیہہ ءَ را
عاجز، مست موالے کئیث
ماھےٓ اولا رنجا ایں
مارا اَغدِہ سوالے کئیث
*بانڑی