وَت سَرا ڈاہ کنگ سوج نہ بیت

وَت سَرا ڈاہ کنگ سوج نہ بیت

جند ءِ بیگواہ کنگ سوج نہ بیت

ھُنبُو ءُ سبزیں اِے گُواش ءِ سَؤلاں

گُڈّگ شہ شاہ کنگ سوج نہ بیت

چرپیں چانیگ ءُ دو روچی عیش ءَ

قوم ءِ گمراہ کنگ سوج نہ بیت

ڈیھ ءِ نر شیر ءُ تمردیں بچّاں

ریکی روباہ کنگ سوج نہ بیت

زِند ءِ بے قیمتیں ماھکانیں شپاں

چو تھار ماہ کنگ سوج نہ بیت

ھنگت مئے حون اِش چہ دستاں پِٹّ اَنت

گوں اِشاں ٹاھ کنگ سوج نہ بیت

بُرز ءُ بے راھیں گَر ءُ گٹّاں مئے،

ساحرؔ، چو راہ کنگ سوج نہ بیت