وطن شاتیں مرادانی ودارانی
دیار شاہیں شہید و نامدارانی
دوار غازی یلانی شہسوارانی
گیابین زید یلانی سرمچارانی
مبارک بات وطن مسکین ڈگارانی
چمن پُلانی ہمبوئین بہارانی
دمن برزین ہشیمانی تلارانی
زمیں ماتکوہی بندانی اگارانی
کلات و کنگر و مہرین حصارانی
تیاب نیلین زرءِ چول و توارانی
ثمر بے درورین زانت و شہارانی
ڈگار سولانی سرسبزین کشارانی
چمن پلانی ہمبوئین بہارانی
مرادین شام و وشگواتیں سحارانی
وطن مئے واہگ و حب و پہارانی
وطن مئے بینت و قول و قرارانی
وطن مئے غیرت و ننگ و میارانی
چمن پلانی ہمبوئین بہارانی