وتی زند ءِ ترا ما زیب ءُ شان کُت

وتی زند ءِ ترا ما زیب ءُ شان کُت

تو کُنٹیں کارچ ءَ گوں مارا کُشاں کُت

وتی کار ءُ کسب تو چے ردات اَنت

ھَمُک تُھمت سرا مئیگ ءَ مُشان کُت

نِزوری ءَ وتی، مئے لُنٹ سوتک اَنت

چو لَھڑیں مَنجل ءَ ما کہ جُشاں کُت

ھُنپ بازیں اے دَھر ءِ دِھکاں کار ءَ

زمین ءَ سُورگیں مارا کِشاں کُت

وَتیگانی تلار پُروشیں ھَسدّاں

چودان ءَ اَرزُنیں مارا دُرشاں کُت

نہ کُت واتر کہ ھَؤر ءَ مُدّتیگاں

مئے زِید ءِ کھچراں سبزیں ھُشاں کُت

ھما ساعت کہ پُنّوں بُرت براتاں

کلات ءَ واھگ ساحرؔ پرشاں کُت