زندگی ءَ اوستءِ پدیانکءَ تکہ داتگ کجا
واہگاں وابانی بانداتءِ کُلہ داتگ کجا
دیدگاں نا مہرمیں دستانی حنّی چُکّ اتنت
زندءِ ہمراہ تو بگش باریں یلہ داتگ کجا
درد اوشتاتگ منی ارسانی ساہءِ ساہگءَ
تو وفاءِ ننگ ءُ ناموسءِ طلا داتگ کجا
جی پما ہورکیں نصیبءِ باتنءَ ارواہ سچیت
نیتءَ گژنءِ کئی دستاں سلہ داتگ کجا
عہدءِ ہنکینءَ وتی عمرءَ بشوہازاں عیدؔ
نوبتانی مہرءِ شپ مَا بے بلاہ داتگ کجا