ابرمی دوچے کٹور ءِ تنگھی
نودی سرشنزاں کپوتے پچدرھی
ھونی جلھارے بلوچ ءِ گلزمین
شورھی بشے گبارے رولھی
سیم ءُ سن بمبور کیچ ءَ سر نہ بوت
بیلہ ئیں گیرے سدوءِ دامنی
ھررو پلاباد ءِ واباں آپ دنت
نودیں ھمراھے مدام پہ من شلی
واب مہ کپ استاراں پہ تو زھیر کنت
آزمان ھمرنگیں گوناپے تئی
جنگل ءَ کشکے کمرزانی کتگ
جنت ءَ در کن کبس ءَ گیمری
امبرءَ انجیر پاتو پر کن انت
ھنّی ئیں اھدے نواب ءِ شائری