مھبت ءِ کے سواساں راست بہ کنت
جنت ءِ کے سواساں راست بہ کنت
دوچ تئی آب ءُ ھواءَ پُر انت
کسمت ءِ کے سواساں راست بہ کنت
جنگ ءُ بالاچ زمین ءِ سوگند انت
نوبت ءِ کے سواساں راست بہ کنت
کاسگے ابرم ءَ چہ پُر کتگ ئِے
کدرت ءِ کے سواساں راست بہ کنت
تئی نوا دست ءُ گوش جنگ ءَ انت
مھبت ءِ کے سواساں راست بہ کنت
سور ھروچ دمیت بلوچ ھلکاں
کیامت ءِ کے سواساں راست بہ کنت
زندگی سوچنے ھروچ گار انت
ربیت ءِ کے سواساں راست بہ کنت
تو مہ بئے من تہ ءَ نیم بُندگ باں
زینت ءِ کے سواساں راست بہ کنت
گوات ءَ آدینک جاندرءَ دیستگ
آدت ءِ کے سواساں راست بہ کنت
زھم شنزیں چنالے گار کتگ
تُربَت ءِ کے سواساں راست بہ کنت
یکے ءَ امرءِ ڈس منی پُل اتگ
شپ جت ءِ کے سواساں راست بہ کنت
ھاک ءِ آزمانے جوڑگ ءَ انت نواب
ھاجت ءِ کے سواساں راست بہ کنت