ارسانی کاروان
سپرکنان اِنت پہ مرادے
بچکند ءِ منزل ءَ
کنٹگیں دردانی راہ
چو زوراک ءِ بیمّا گَمانی
ساربان ءِ سکین ہمراہاں دیدگانی
مساپر ءِ
اگاں اشکند مہ بنت واہگانی زگریں ہُلّ
ساہگانی بْرانز ءِ راز
دْرچک ءِ ارواہ ءِ گلیپ ءَ بنداں
تُنّ چمداریں آپ ءِ ہیناری کینگ ءِ
ترسناک اَنت کَست ءِ دریا ءِ چول
بلئے من گَم ءِ تلمبیں گْورم ءَ
اوژناگ سگّئتہ
تنیگہ سرنَولیں مہر ءِ کانیگ
چہ مہر ءِ زندہ پیریں
چمّگ ءِ برکت ءَ
تلاریں زند ءِ پچّار
اے سنگ سیاہ
کئی بدّدُوا ءِ پُشپداں