دنیا پہ وتی بستار ءَ
آس ءَ وشبوے مانکشّیت
پُِلّانی سُچنت اجگیں دل
نودانی گشئے ڈَکّیت ساہ
ناریت کوش چو نادْراہ ءَ
سرگْوات ءِ دل ءَ زگریں ہون
پِیسّکیت زندگی نازاکیں
بش بش وارت شپ ءِ کوراسی
مہگر بیت گشئے ماہ پہ گَم
بالاد ءَ وتی پیلّوشیت
رژن ءِ آکبت ویرانیں
چے پہ ساہگاں سیمُرگی
نازینک چوگشئے پُرسی رنگ
جلوہ رتکگاں ہاک ءُ پُر
زند ءَ سیاہی ے مان اتکہ
کولنجاں چراگ کُلّانی
گُنگ ءُ گِلّہ انت ارواہ دل
تُنّیگاں گشئے دْرچک ءُ پل
آپ ءَ روہڑی پیڑاتہ
ہر چی بے سما برگَشتہ
اہد ءِ تنزگیں دْرونشاپ ءَ
مہرانی نسیب ڈکّالیں