سوز مان رَجیں زند ءِ
ارس آ جزیں دیدگ
واب چون شوہازاں
شپ تہاری ءِ تُنّ ءَ
جہندمے ءَ دَورداتہ
اَنچولاگریں دریا
ٹرمپے ءَ نہ بیت کدّ ء
نودانگر ءِ چنکاں
تلوسیت ءُ اُپّاریت
تْراولاں سمین ءِ پاد
گْوات ءِ آبلہ دستاں
موسم ءِ نسیب ٹپّی
آزگیں کپوت ءِ دل
جنگلیں گشئے نادْراہ
دْرچک کُشتگاں تُنّ
ساہگانی بے اُمبری
درد بیت ہَمکّ روچ ءَ
زید آزگیں مہر ءِ
جَور گِلّہیں نوبت
ٹُکّریں سکین ءِ دل
باج بارت اُپّارگ
زندگی چوبے چارگ