اَشحرہ

لیب لیب ءَ گُش ئے زندگی ءِ ￵ تلب

مردُمانی تماہ دور بیگواہ باں

رُژن سِنگار کنت

ماھکانءِ نِگاھانی اَرسیں تلب

چِنچو وام دار کنت ۔

بے توارا گوزیت

اشتاپ اشتاپ کنت

سُرمادانیں بدن

جان کشّان بیت

گُنگ کنت آدمی زاتاں مدام

چول کیفانی سرّیچگ ءَ سر گِران

بے وتن بے دیار بے تواریں نِگاہ

ارس چمانی تھنایاں امباز کنت

لیلو لیو گُش ئےواھگانی ابیتکیں توار

سنگتانی جاک بے ھلوتاں

اے چول کہ بانزُلان بندی وتی

۔شِیک شِیک گوں لھمیں تواراں

چنچو جلوہ دنت

اے تیابے او گْوادر نہ انت

اشحرہ ءِ تیاب ءِ چولان بچار

پُلیں اورماڈہ ءِ جلوہ جنت گُشے

اےتیاب ءِ سیلا بچار ایوکی ءَ

انگت جند ءِتوار کنت ترا

بیابلوچستان ھاک ءَ بو بچن

بل اَشحرہ ءُ سُور روی ءَ

مسقط ءِ زید وشیں ندارگ

لھم لھم ءَ چو کوش ءَ بدن گیمراں

کسر بوستان ءِ ڈولداری ءُ مطرہ ءِ

منگلیگانی دمکان ندارہ بکن

شوکیں کاڈانی سِنگارگ ءَ بس بچار

عتر وش بوی ءِ سوچکی ءِ تلب

سیپ ءُ مابیلہ ءِ دلکشیں جلوھاں

بارت نِگاھانی رنگاں کُجا گار کنت ۔

دمک ڈولدار ی ءِ رنگان براھ دار کنت

چو مچار دلکشیں رنگ بے نور بنت

ھوز ءِکورا برو کن ندارگ پدا

ھار ءُ ھوریں بدن آپ تچوکیں توار

کانچ رنگیں زھیرانی چکّاسگ ءَ

درد مانداشتگیں لُڈّگانی کدم

بِل برو سیل بکن باگیں بوستان ءِ مھران بچار

سھتُکے دلجمین نِند ڈاک ءِسرا

بلکیں وش اتکی ءَ ￴ بیت پدا ماھکان

روت تھاری امروز ءِ ￵ گنجیں گماں

کِسّہاناں بزور ءُ ￶ ھمراہ بکن

جاسم ءَ ￴ گوں وت ءَ ￴ انچو پیوند بکن

انچو درچکے کہ شاہ ءَ ￴ وت ءَ ￴بست کنت

اِنچو اِشتاپ مکن

انگت ءَ بام رنگیں نِگاھانی چم بستگاں۔

سھت سھت ءَ اے چمان ندارہ کُتگ...