بیا چہ زربار ءَ گِسد گوٛاریں سباہانی سمین

بیا چہ زربار ءَ گِسد گوٛاریں سباہانی سمین

بینگیں بانداتے لوٹیت گوٛاڑگانی گلزمین

ماہکان سر رِتکگیں دَنزاں شپانی گار بیت

روچ درکَیت رنگ مٹّیت سُہر ترّیت چو کہ تِین

دیدگاں بُڈّیت گوٛشئے روزَردگ ءِ ساہگ بَزیں

داگ ءُ تیروکاں بہ سگّیت عہد ءِ نازاکیں جبین

آسن ءَ سُہریں بہ ٹپّیت بیگوٛمیں زند ءِ متاہ

آس پوشیت ملگزارے بے اُمیتانی یقین

مئے متاہانی بشارت سُرمگیں پاسے چمیت

وپتگیں واب ءَ من ءَ کہ گیر بیاریت ماہ جبین

جیونی ؔ ءِ شِنگیں مَہپر مُدتّے ءَ گوٛاپ بنت

زعفران کِشتہ نگوریں ریگزاراں یاسمین ؔ

بال کن انت کوہانی شانتل دراہیانی دامن ءَ

ذاکر ؔ ءِ ارواح مداریت اوست میلانکیں یقین