شپ ءَ پہ مہر سینگاراں سباہ ءَ ملگزاریناں
دِل اُفّارگانی ہنکینے, ۲۰۲۳، بلوچی اکیڈمی
شِنگ کن:
شپ ءَ پہ مہر سینگاراں سباہ ءَ ملگزاریناں
بے واگیں کینگ ءِ مرچی اولاک ءَ زہر چاریناں
سمین مِسکانی زیبائیں بہ سوچیت دامن ءَ مہر ءِ
رِچنت ارسانی مُروارد نگاہاں بے تواریناں
منی وابانی پیشگاہ ءَ چراگے روک بیت انچیں
اگاں ماتے بہ نازینیت وتی بچّاں مزاریناں
کُجام سر گوٛستگ ءِ قصّہ نبشتہ زعفران ءَ بیت
کجام عہدانی راہی ءَ دل ءِ راہ ءَ وداریناں
کجام مہگونگ ءَ گوٛشتگ گلاس ءَ شہد سر رِتکگ
کجا نوں تُستگیں ساہ ءَ بلورے آس بہ واریناں
چہ زِربار ءَ پتو ذاکر ؔ بہارگاہے سر ءَ کشّیت
اے حال ءَ سِیرکگیں ڈنّ ءُ گیاباں آشکاریناں