در اَتکگ ماہ چہ عہدانی گُباراں
وطن پہریزیتگ مئے پاسداراں
رِچیت رنگانی زیبائی زمین ءَ
سرٛپیت بینگ گیابان ءِ بہاراں
شپانک ءِ چمّ گُژن ءَ دَر بیا اَنت
نہ پِنڈیت میتگ ءَ چرپیں دپاراں
شِکاری باطن ءَ جیڑیت پہ دردے
کُجا پہ شانتلاں موچکین بیاراں
سفر بے واہگ ءَ تاوان بار اِنت
کُجام راہ ءَ نگاہاں ملگزاراں
تو درٛوگ ءِ درتگیں پوشاک دُوتک اَنت
من راستی ءَ کُجام چمّ ءَ بہ چاراں
پتو مستاگے کار اَنت وہد ءُ موسم
تئی کہ کندگاں گرٛیوگ ہواراں1
1 ۔ ہوار اَنت۔