چراگے بال مہرانی بدئے رُژنے تہاری ءَ
دِل اُفّارگانی ہنکینے, ۲۰۲۳، بلوچی اکیڈمی
شِنگ کن:
چراگے بال مہرانی بدئے رُژنے تہاری ءَ
شپ ءِ رکّاں بہ چُکّیت دل قرارے پہ قراری ءَ
ودار ءِ ماہ ءِ جوہان ءَ گُباریت آزمان نِیلّیں
کجا دل رہسرے چاریت نگیگیں دور ءُ باری ءَ
زہیر ءِ رُستگیں پُلّاں کُشیت ءُ حنجرے حونیت
رگاماں بیر گرٛندوکیں شلینتگ آس لیاری ءَ
منی وابانی ہنکین ءَ تئی روح ءِ بشارت بیت
زَروکیں آگہی مارا زَرینِیت بے تواری ءَ
ہدوکیں نوبت ءِ زیمر بہ سُمبیت درٛچکے ءِ گوشاں
کپوتے شیپگیں پونز ءَ وتی سُمبیت ساری ءَ