چراگے روک بہ کن یا تہاری ءَ ماندار
اے گُژن ءَ پہ وت بُہ زُور یا کہ واری ءِ ماندار
اے نیزگاری ءِ کَہت ءَ چو زندکتہ ناواک
بیار ہستی ءِ گنج ءَ شِزاری ءَ ماندار
مئے پاکیں ہاک زمین ءِ اِشاں کتہ ناپاک
گنہگاراں بہ سوچ ءُ میاری ءَ ماندار
جہان ءِ اَگربیں زوراوراں بہ کُش بُن دئے
کَسے ءَ ہال مہ دئے بے تواری ءَ ماندار
ہُدا بلوچ ءِ بہادری ءَ زِکت بکشیت
بہ جنز گامے ءَ زُلم ءِ شکاری ءَ ماندار
اے راہ ءِ کپتگیں جونانی ہون ہیسکارَنت
اِشاں بہ سہڑین من دردواری ءَ ماندار