دان است انت جہان

منی گرکی، تل منی، نودی شل

داں است انت جہاں گوں داباں مل

ترا سُہر ءِ چلہ اوں دست ءَ دات

منی دوست تو کسانی ءِ دشتارئے

ترا پِس ءَ سریگے دات سرا

ترا ماس ءَ چلمبے گوش ءَ دات

ترا تروا پلوہے پونز ءَ دات

دات کستریں گہار ءَ ہارئے گورا

بانوری ءِ کلّہ ءِ حقدار ئے

منی دوست تو کسانی ءِ دشتار ئے

وتا کوہ ءِ مراد ءَ بُرت سر کت

پہ تو چٹ ءُ تاک ءُ تاہیت کت

شیہانی گورا من دست بستگ

چنت ٹہگیں ملااوں رد داتگ

گوں من گپ نہ بنت تئی بازار ءِ

منی دوست تو کسانی ءِ دشتارئے

تئی لنٹاں پرندوشی گوشتگ

درائیں دنیا سلامت بات معراج

بلئے ترس انت زمانگ ءِ سیاہ گوٛات ئے

منا گوں تو محبت بات معراج

منی دوست ءُ دلبر ءُ دلدار ئے

منی دوست کسانی ءِ دشتار ئے

(2005کراچی)