دانکہ ہوشام ءِ دَمّوکہ بُتکہ
تُرس دریاے ءَ کَرو جان اِنت
لیپگیں چمّگانی ورنائی
کانیانی نسیب نادْراہیں
گْورم ہشّکاوَگ ءَ کُلانج ءَ جت
وہدے ہوشام ءِ لیٹئتگ بُرکا
آس ویرانی ئے شُلنچانیں
ٹپّئتہ گْوات کوہے ءِ پُشتا
موسم ءَ سیاہیں گارے ءَ دَورکت
جنگل ءَ آجزی سماراں بوت
مُرگ ڈکّالیں کیلّگ ءَ دل سیاہ
ساہگاں گَم وتی کَوارا کت
زندہیناری ءَ پلونچ ءَ بست
پاداں ہاٹی وتی گْرنچ ءَ بست
انچیں کریابیں رہسرے راہ گپت
گژنگی چو کچک ءَ رند ءَ ئے کپت