درکپتاں مہر ءِ راہ ءَ من!
چاراں کہ راہ اِش بندکتگ!!
ہر کشک ءُ راہ ءَ سنگ اَت اَنت
ہر جاگہ کُنٹگ شِنگ اَت اَنت
بدواچیا بیواربنت!
پر چا منی راہ ءَ گِراَنت؟
من راستی ءَ دیم ءَ براں
ہرتاب ءُ ریس ءَ پچ کناں!
باریں کُج اَنت روژ نائیں دل
من سجّہیں زندءَ وتی آہانی شوہاز ءَ براں
سوگاتے من ندری کناں!
انوں داں روچ ءَ بازہست
شپ چوں گوزیت گوں نالگاں؟
ہمراہ منی ! ہمراہ منی !
بیا ہمدل ءُ ہمسدک بیں
نندگ نہ بیتیں راہسراں
عالم ہزینتگ رستراں