منی حیال ءِ کہیر ءِ ٹُلّءَ
ہَمُک بیگاہ ءَ
شانتلے کیت
زہیرنالیت
منارا گیجیت ہمے حیال ءَ
کہ تو کجا ئے
وتی اوں ہنکین ءُ جند ءِ جاہ ءَ
درآمدئے تو
دل ءَ من جیڑاں
وتارا پُرساں
برے من گرٛیواں
گوں مُراداں زندءِ
منی حیال ءِ کہیرءِ شانتل
منارا دائم
سکین دنتیں
وتی تو جند ءِ شُہاز ءَ درکپ
پہ زند ءِ بچکند ءِ راز ءَ درکپ
زئیپی نالگ
منی حیال ءِ آشانتلءِ کہ
منارادنتیں ہمے حیال ءَ
دل ءَ چہ پُرسیت ہمے سوال ءَ
کُجا ہاں من،
تو کُجائے ،
من موتک کاراں