امپاس ءُ اُگدہانی نسیب ءَ شگان گون
باریں کئے ءَ زمین کئے ءَ آزمان گون
سرسر جنان وپا ءِ مُساپر پہ تلوَسگ!
بیگْواہیں منزلانی گَماں سوزمان گون
اوژناگِرے بہ گندئے وتی تُنّ ءَ شون کنت
گْورماناں تُرس مان ءُ دریاہاں زیان گوں
درچکانی چمّاں ساہگ ءِ دیدار ملّئتہ
جنگل گشیت من گْوات ءِ پاداں روان گوں
ڈکّال ءَ زندگی ءِ سرا آس چَنڈئتہ
ناں کیلَّگاں کشار ءُ کپوتان ءَ دان گوں
اتکہ جہان ءِ باگ ءَ سَیل ءَ پہ واہگے
ہُورے گشیت شکسؔت ءَ بہشت ءَ بران گوں