جنّتءِ گوٛاتءَ نہ زانت ءُ دوزہ ءِ آسءَ نہ زانت
دل تماوہدءَ تئی جیگ ءِ سر ءِ لاس ءَ نہ زانت
دل وتی درٛتکگ من وہدءِ بُستریں درٛچکءِ سرا
کس بَلے اَنگت منی نیمون ءُ وسواسءَ نہ زانت
زعفران درٛنزیں تئی گوں مہپرانی بوسگ ءَ
دل چو مومءَ بیت، بدن بیت چوکہ کرپاس ءَ نہ زانت
ماں زمستانیں شپاں اَمباز ءُ واس ءِ موسم ءَ
دِل نہ کنتیں یات روچءَ ءُ شپءِ پاسءَ نہ زانت
واہگانی کعبہ اِنت ءُ جنّت ءِ دَروازگ اِنت
اے گنوک تئی کُلّءِ راہ ءَ چون کوراسءَ نہ زانت
تئی حیال ءِ مکتباں من واہگ ءِ زُرتگ سبق
کئے گُشیت ممتاز مہر ءِ راہ ءِ چکّاسءَ نہ زانت