گلزمین بے پادگین ءَ آزمانے جوڑ کتہ
آفرین مولا تر۱! جوانیں جہانے جوڑ کتہ
حافظ یے نشتگ عبادت تہجدانی کنت شپاں
آملنگ ءَ درد ءِ شیراز ءَ گدانے جوڑ کتہ
من دل ءِ چہ دیدگاں تئی شکر ءُ منتاں گراں
گژنگیں لاپانی واستہ حشکیں نانے جوڑ کتہ
ظالمیں عہد ءَ کجا زانتگ بنی آدم چی یے
تو تلارانی اوں دل یک مہروانے جوڑ کتہ
آئی ءِ شرنگی ءَ بی بی زلیخہ تلوست
مصر ءِ بازار ءَ چے پیمیں یوسف جانے جوڑ کتہ
ما قلندر اویس کرنی ما بلاہ نوش ءُ سچل
مے وڑیں مست ءُ ملنگاں داستانے جوڑ کتہ
مااِنت معراج ،مااِنت مومن،مارا چے حرص ءُ تماہ
اے اوُں گنج انت حاکیں ڈیل ءَ ساہ ءُجانے جوڑ کت
(منامہ،بحرین۲۰۰۱)