کئی اوپار پَندل سازَگائیں
بہشت ءَ پہ دل ءِ جَل سازَگائیں
گَم ءِ تُنّ ءَ نہ بارت گْورمیں ہیالے
کئےءَ پہ آس تْرونگل سازَگائیں
کتہ تبد ءَ وتی چَنکاں زمستان
من زاناں گْوپش کَمبل سازَگائیں
وپا ءِ آبُلہ بوتاں دوئیں پاد
اے مہر ءِ درد تْراوَل سازَگائیں
کَجیں کانیگ ءُ کُلّیں کَورہُشک اَنت
مساپر نوکی چاگَل سازَگائیں
شکسؔت ءِ کوپَگاں آزمان ایراِنت
اے دنیا انگہ زَمبل سازَگائیں