کئی بستار مرچاں انگرینیں
بیا اے گِلّہیں آس ءَ ٹہینیں
گَم ءِ ہوشام اِنت کئے اُپّارَگائیں
تنیگہ تُنّ مہر ءِ چمّگینیں
پَکاریں نوبت ءَ چولیں نسیبے
بریں دریاے ءَ واب ءَ گُڑینیں
اے روچ ءِ بژنیں دیدگ سَکّ تہا اَنت
گَمانی شپ بہ گندئے سُرمگینیں
منی تہنائی ءِ ہُسن ءَ مہ چارئت
گَم ءِ شِردا دل ءِ تاہیر مینیں
گشئے اے اہد پہ ما دوزہانی
بہشت ءِ پُلّ چو انگر سکینیں
ہمے رنگ ءَ اگاں نیستی بہ مانیت
ترا چہ زندگی گُژن ءَ گہینیں
دگہ ویرانی ے زِردءَ شدرائے
تنیگہ دیم دردانی پدینیں
مدام شادان باتئے گوں شکسؔت ءَ
تئی بچکند مئے ارواہ ءِ سِْرینیں