کینَگانی واہگ اِنت سنگے بہ تْراش
مُہرگ ءِ کدّ ءَ بہ کن کوہے بہ تْراش
تو ہما ربّ ئے کہ ارش ءَ واڑہ ئے
انگتہ گیگ تِر بہ کن رہمے بہ تْراش
آجزیں تاکانی رُوہاں سَمبرین!
ساہگ ءِ ورنائی ءَ درچکے بہ تْراش
روچ داں بْرانز ءِ گَماں سوہان کنت
دوزہ ءِ پیشانی ءَ آسے بہ تْراش
لوہڑیں دریا ءَ گوں ارساں شبند!
دیدگانی تالہ ءَ میہے بہ تْراش
تو منی پیما مساپر زندگی
منزلوں نزیکّ بیت راہے بہ تْراش
نوں منی اوپار ءِ کوپَگ آزگ اَنت
بیا چَرے درداں منی چنکے بہ تْراش