ماہ ءِ دل روک اِنت شپ ءِ نیم ءَ سَرین ءَ آس پِر
آس پلگاریں چراگانی جبین ءَ آس پِر
بُن دینت کئیپانی بے اُمریں چڑکّہ بِیرگ ءَ
موسمءَ شودیت ءُ تاپ ءَ دنت درین ءَ آس پِر
نمبے ءِ ہوشامیں چمّانی پیالگ سر رِچنت
باتن ءَ سوچیت گلابانی سمین ءَ آس پِر
نوں منی دیوانگی ءِ روچ برکت بیتگاں
آزگیں ارواہ ءِ چیہانٹاں چو تین ءَ آس پِر
لئیب داران اِنت وپاداری متاہ ءِ دامن ءَ
مہرمیں ایمان پولنگ اِنت ءُ دین ءَ آس پِر
مرتگیں درچکانی گرمیں ساہگاں اُپار اِتگ
جنگل ءِ تلکاریں اوستانی جبین ءَ آس پِر
پاتیا وانیت کئے اِنت پہ مانشیں زند ءَ امین
جنگے ءَ گپتگ شہیدانی زمین ءَ آس پِر