من گْریوَگاہاں کہ ارمانے ءِ سراں تُنّءَ

من گْریوَگاہاں کہ ارمانے ءِ سراں تُنّءَ

اے درچک ءِ ارس کجا جنگل ءِ براں تُنّءَ

دل ءِ نسیب گَمانی وپا ءِ باہوٹ اِنت

ہما کہ مہر نہ زاننت سنگراں تُنّءَ

نہ پٹّاں موسم ءِ گُکّ داتگیں پُتینک ءَ من

دمانے باریں پدا گْوات ءِ پچگراں تُنّءَ

من آزمان ءَ پہ ہیناری ءَ مہ گنداتاں

داں زندگاں اے دل ءِ چمّ سنگراں تُنّءَ

اے ساہگانی شگاناں کہ روچ ویرانیں

بہشتیں زند کتہ آس ءُ انگراں تُنّءَ

چراگاں واب کجا کئیت کہ تُرسناکیں شپ

منا گوں ماہ ءَ کتہ دوشی مہگراں تُنّءَ

شکسؔت مرچاں ترا گپتہ گیبَتاں دریا

مہ گُش زمین ءِ چکاریں گوں جمراں تُنّءَ