من سمبہیناں گَماں ارس جلوَناک بہ باں
مساپرانی کدم بلکیں منزلءَ چے گْوزاں
زمین سجدہ مہ کن زالمانی بالادءَ
ہمے کہ زلم کناں کُورہاں کپنت ءُ سُچاں
چراگ ءِ رژن کئی بے وسی ءَ اشکندیں
تہاریں شپ داں منی تالہءَ ازاب رُداں
من سوزمان دلءِ ساہگءَ پناہ داتہ
نہ زانتہ مہرءِ منی جنگلءَ اے دْرچک مراں
دل ءِ کپن گَم ءِ ارسانی ہاجت ءَ شُشتہ
وپا ءِ ننگ چوں پولِنگ بنت داگ چننت
گَم ءِ رمَگ داں زِرد ءِ ڈگار ءَ مان رِتکہ
منارا جست کنئے کہ بہ گش کشار کجاں