ساہگانی سرا کئے بَروسہ بہ کنت
ساہتے اوں منی درچک ہمراہ نہ بنت
تبدیں ویرانی ءِ باتن ءَ پد جناں
نُگلیں زید ءِ منی دیدگاں چہ رِچنت
ہاک جیڑیت دل ءَ بْرانز گپتہ زمین
آزمان ءِ نسیب آس ساہیل کنت
تُنّ تیجار کنت زندگی ءِ دل ءِ
ہُشک کانیگ بنت بَژنیں دریا بَدنت
بنت زندگ دُْرہیں کبریں کرنی کپوت
ارس ءِ بانزل گشئے چمّ ءِ گْوات ءَ اَڑنت
راہ ءَ پیتکاں منی پاد ءِ دیما نِپاد
آکہ رَندا اتنت چہ ما پیسر شُتنت