سکّیانی بار بوتکہ لیڑہ ءَ، آسودگیں
زندگی چو ساربان ءِ تالہ ءَ آسودگیں
بیا منی ارسانی بازار ءِ تہا مہرے شُہاز
دیدگانی شہر ویرانیں دلءَ آسودگیں
باتنءِ ڈکّال ءِ دنیا ءَ بہ کن سَیلے برو
گم منی ارواہ ءِ آتْراپ ءَ کجا آسودَگیں
شپ وتی تُنّءَ تہاریءِ تَڑیں گْورمءَ بہ مین
ماہِکان ءِ زندچہ رژن ءِ شُدا آسودگیں
پہ وتی چَولانی ہوشام ءَ کدی دریا مہ زَر
تُرسےءِ گْرند ءَ چہ دُور اِنت ناہُدا آسودگیں
لگّئتہ داں دست روچءِ ساہگ ءِ پیشانی ءَ
آدْرَہیں دْرچکانی تالہ جنگل ءَ آسودگیں