ساربان زندءِ داں سہڑ ینگ نہ زانت
لیڑہ ءَ دردانی جٗوکینگ نہ زانت
آزمان ءَ گلزمین کٗونڈ ءَ کتہ
اے ہما مات اِنت کہ میچینگ نہ زانت
دنت سیہ مار ءَ مئے آستونک ءِ تلءَ
پندلیں دنیا مئے رکّینگ نہ زانت
گْوات ءِ رپتار ءَ پتائیت انگراں
کہ گشیت کہ مہربان کینگ نہ زانت
موسم ءِ ہیناریں آسءَ را مہ دئے
جمرءَ ہَورءَ چہ گیشّینگ نہ زانت
آجزیں دْرچکے ءِ ارواہ نِژّوریت
جنگل ءَ واب ءَ چے ٹوہینگ نہ زانت