شہرءِ روشنائی نوراں پُلیت انت منی
حشک بنت انت منی درٛا ئیں لبز ایربنت
شعر نبیسگ نہ بنت، پکر کائینت گوزانت
درد کائینت اوشتنت سرماں سرا
دست ماں دست بنت
جلّ انت وداریگ بنت
سبزیں دازی لدّاں
پِنس گیمرتگاں
کونرانی آ تچک ءُبزیں شاہڑاں
بنت لِکو ءُپادانی چیر ا کناں ایر ڈوک
یک ءُیک ءَ چِناںپشتگیں کونّراں
چیزئے راہ ءَ وراں
چیزئے زوراں براں پہ گلیں میتگ ءَ
اوئے من باتاں بیگوٛاہیں عقل ءَ وتی
ہلکءَ دیرانت چہ ہما کوہ بناں لڈاِتگ
حشکیں کرگین ٹپو رمیزاں جت انت
لوگ ڈمبیں زہیروک ءُلیکو جن انت
عہد ءِ روکیں چراغانی وٹّ ستکگ انت
وہد ءِ بے آپی ءَ دور تاچینتگ انت
نا کہ بنی آدم ءُنا کہ ساہ دار ءِ پد
حشکیں تولگ وتا را کنت گرک ءُلدیگ
پلیں ہنگولی آسکاناں جنت ءُکُشیت
پکر کائینت ءُاوشتنت سر ماں سرا
شہر ءِ شرنگی نوراں پلیت انت منی
(۲۰۱۲لیاری،کراچی)