شپ کہ باندات ءِ یات ءَ پِرّینیت
مارا تئی یات ءِ یات ءَ پِرّینیت
تئی اے بے ِسیتّیں موجری بانک
درد ءِ کورچات ءِ یات ءَ پِرّینیت
شار تئی شنگیت بے اِنانی ءَ
جنّت ءِ گوٛات ءِ یات ءَ پِرّینیت
سسّی ءَ زاناں کیچ ءِ ہر بچّ یے
پُنّو ءِ برٛات ءِ یات ءَ پِرّینیت
ماتوی تژنے چورہیں چُکّ ءَ
مکہیں مات ءِ یات ءَ پِرّینیت
لال ءِ پادینک ءِ زیمل ءِ برٛمشے
مہر ءِ آیات ءِ یات ءَ پِرّینیت
تئی غمانی تاں پاہو ءَ درٛتکگ
دل کرامات ءِ یات ءَ پِرّینیت